| 終於開始放大假啦，不過很不幸的分開兩次放，心情立刻down到谷底！哎！
22/7-28/7又一年書展的開始，明天想去逛逛，不過沒有人陪！自己去走走吧！
加油！星期五又要上班啦！>.< |
| |
| 人類豬流感~~大家怕怕！
小朋友提早放暑假，我地又要做多好多工作！又要提早返工！哎！
今天小朋友很早就放學了，可以提早下班，實在太好了！ |
| |
| 今天仍然要開工，坐在辦公室里，空氣隆隆地響，靜靜的就快入睡了。
上司們都放假，又是一天休閒的工作天！Lucky！ |
| |
| 黑鋼︰如果不想哭的話，那就只好變強了！將來不管發生什麼事，都能在不用掉淚的情況下解決
法伊︰可是，我覺得想哭時能哭出來，也算是一種堅強啊！ |
| |
| 放假去北海道，玩得好開心，就係唔夠時間去買野，想買agnes' b都買唔到，不過買到其他野都好開心，家姐又睇到想睇的薰衣草，總之愉快，團友亦幾好，不過好多人，四十三啊~~~~我簡單講下行程啦！
Day 1
早上九點半集合，八點半已去到果度 ，同屋企食左個早餐，集合後寄埋行李就去左離境等啦，撞到家姐同事傾左幾句(傾到上機)，哈哈。
原本香港時間四點半左右到達北海道上空，但因機件故障係空中飛左半個機鐘，約東京時間六點到達札幌千歲空港，果陣有d緊張，不過d乘客仲誇張鼓哂掌，我同家姐呆左，"咩事啊，好大件事架？"坐飛機一定有危險的，果d空姐都好大膽下，一個月坐十幾廿次。因為delated，就去唔到原定的拉麵街食拉麵啦，有小小失望，日本拉麵出名嘛，我地就直接去第一晚的酒店「定山溪瑞苑酒店」，係一間溫泉酒店黎架，仲要係tatami，可以着住浴衣周圍去，不過因家姐「唔方便」所以冇去到浸溫泉，佢好唔開心啊，我就因為四眼妹冇人同我一齊去驚睇唔到去錯地方就死啦！我地就去左影相同行酒店舖頭。
Day 2
夜晚訓既係tatami，d被都好舒服啊，不過導遊話日本人注重環保，冷氣開到二十八度啊，熱死我啦，我鍾意開到二十二度訓覺，熱到醒左添。哎.....
第二日早上七點就morning call，不過鈴聲好細聲啊，我都有聽的既，反而家姐訓到只豬咁，叫都唔醒，匆匆忙忙咁食左個早餐就去左集合，早餐睇落去好多野食，不過其實冇咩揀，日本人鍾意早上都食飯，我就食唔落啦，不過日日一碗味噌湯，非常好味啊，有可能加味精。
然後我地就出發去「白之戀人朱古力趣緻城」，內面真係好靚啊，有個好大既花園，家姐見到就瘋狂影相，不過係影花，頂佢唔順啦，我地就沿著走廊參觀，有好多朱古力同埋茶杯show哂出黎，d茶杯好多唔同款唔同年代都有，好正，可惜唔可拎番屋企(就算可以都冇錢)哈哈！然後就去左隔離既「懷舊玩具博物館」，展示八九十年代的玩具，有d細個果陣時的玩具都可以搵到，仲有好像成人咁高既小飛俠可以合照添，正！跟住我地就去左小樽運河，d風景好靚啊，條河都好靚，不過條橋下面就好骯髒，多垃圾係下面，果日好哂，又熱成33度，不過同香港既熱唔同，空氣非常好，地上冇咩垃圾，仲見到有人力車添，見到就偷拍佢啦，佢仲笑到露牙添，好搞笑架。執左相後擺到黎睇下！>.<
之後約十二點半我地就去食飯啦，雖然話係海鮮鍋，不過只有少少毛蟹係海鮮，其他自己俾錢，個導遊介紹大家食長腳蟹，佢話至少每組要食一隻，好像逼人食咁，另仲有海膽、鮑魚揀添，好貴架，不過一場黎到唔理由唔試下，我地食左長腳蟹，飽到想嘔。
下午我地去左水晶音樂城，一去到門口就聽到宮崎駿的「風之谷」音樂盒鈴聲，成條街都聽到，當時好興趣啊，好想去買啊，去到先知哇好貴啊，最終都沒買到，不過俾我地發現隔離有間「夢之音」內面有好多龍貓產品，哈哈哈，大收獲，瘋狂影相，嘻嘻嘻！一個半鐘後，自行回巴士停車場集合，我地一路行返去，一路行街，沿途去左買蛋糕同試左蜜瓜味的雪糕，家姐試左牛奶味，好好味啊，好重既蜜瓜味，好似食緊蜜瓜咁！仲買左支小樽水添！學到一句日文︰ikura tesuka？(請問幾都錢啊？)黎到北海道，經常見到汽水機，我地都試左買啦，一支伊藤園綠茶(細支裝)120日元，好好飲，茶味好正！
然後我地去完洗手間就上車啦，遲左三分鐘，但d人差唔齊哂，我地差d就最後一個啦。果陣時諗聽日要準時！第二晚酒店係洞爺湖萬世閣，幾正架，又係溫泉酒店，夜晚仲有煙花祭(hanabi)添，沿住湖放煙花！
Day 3
話咁快第三日啦，早上依舊早起身，8:35出發去昭和新、有珠火山及熊牧場，原來三個地方同一處的，火山就係對對面，齋睇，唔可以上去睇，只是遠望，影下相，然後就入去熊牧場，已包入場券，通過精品店就係入口啦，好識做生意，不過入到去好臭啦，好多熊係入面，有d好醒，識合埋手仔向你攞野食，去到一陣，有隻熊好大聲係度叫，叫左好耐啊，吓死人啦，我同家姐啦啦聲就出去精品店啦，我買左d電話繩、薰衣草散紙包(後來發現只有這里有這個款式，正！)，家姐應承左幫人買馬油，後尾臨走時發現隔離有間細少少舖都有，好抵$75一盒，但導遊冇介紹，好彩自己行吓。
9:30左右我地就向登別地獄谷出發，係一個活火山，下面係硫黃水，好臭，勁似熟雞蛋味，頭都暈埋，加埋果日又頭痛，頂唔順，家姐反而好興奮，仲見到溫泉噴出黎添！
個半鐘後我們繼續向「時光隧道登別伊達時代村」進發，門口有個戴眼鏡既忍者，可以同佢影相，攞住真既忍者刀(不過好鈍架)，佢好大聲艾左一聲日文，唔知佢講咩！
跟住個導遊就帶左我地入去入面睇忍者劇場，入到去有人派張俾你，等人表演完後將d小費用紙包住扔上台，只係意思意思下讓你體驗玩下咁，導遊話100日元就可以啦，開始果陣時突然間黑哂，吓死人d音響好刺激，個細佬吓到大哭，大概講刺客。
之後就自己行整個地方，都好多野睇下，有問拉麵店好香啊，成條間都聞到，可惜我地跟住就食飯啦。時代村果間食蒸雞，唔咩味道，要點醬先好食，味噌湯唔夠食第二碗。哎.....
飯後就去第三晚的酒店「果子王國酒店」，有溫水泳池及溫泉浸，這晚終於浸到溫泉啦，同家姐一齊，又去左泳池遊水，哈哈，應該話係浸水，因為唔識遊，不過見到d日本女仔三點式泳衣，身材好正，有d哂到好黑，可能經常去游水，都見到唔少外國人。浸完後去左食自助餐，這間唔錯，食到佢打烊，哈哈哈.......
|
| |
